Як сокини 34-солаи сокини ноҳияи Б.Ғафуров бо гумони латукӯб ва куштори падари 67-солааш бо корд дастгир шудааст.
Гуфта мешавад, падару писар дар ҳолати мастӣ бо ҳам муноқиша кардаанд.
Дар гузориши видеоии “Милитсия хабар медиҳад”-и Раёсати ВКД дар вилояти Суғд дастгиршуда дар ин бора нишондод медиҳад.
“Падарам маро заданд, ман падарамро задам. Баъд дидам, ки набзашон намезанад, ҷон кандаанд. Барои пинҳон кардани ҷиноят падарамро ба ҳавз партофтам”,- гуфтааст гумонбар дар гузориш.
Ба иттилои милитсия, нисбати дастгиршуда бо моддаи 104 (Одамкушӣ) Кодекси ҷиноятӣ парвандаи ҷиноятӣ оғоз карда шудааст.
Тибқи ин модда, шахси гумонбарро аз 8 то 15 сол ҷазои маҳрум сохтан аз озодӣ таҳдид мекунад.
