19-уми май дар яке аз биноҳои Вазорати мудофиаи Тоҷикистон сӯхтор сар задааст. Ба иттилои Сарраёсати хадамоти оташнишонӣ, ҳодиса тақрибан соати 16:42 рух додааст.
Манбаъ хабар медиҳад, сӯхтор дар як сехи хурди барқтаъминкунии ин ниҳод дар натиҷаи расиши кӯтоҳи ноқилҳои барқӣ сар зада, масоҳати тақрибан 50 метри мураббаъро дарбар гирифтааст.
Ба гуфтаи масъулони хадамоти оташнишонӣ, кормандони онҳо ба маҳалли ҳодиса сари вақт расида, алангаи оташро дар муддати кӯтоҳ хомӯш кардаанд. Хушбахтона, дар натиҷаи ин сӯхтор талафоти ҷонӣ ба қайд гирифта нашудааст.
Айни замон ҳаҷми хисороти молии расида аз ин ҳодиса муайян нашудааст.
