Дар ноҳияи Шуғнони ВМКБ марди 54-солаи сокини деҳаи Пиш, ҳангоми рондани автомашинаи тамғаи «Танген» аз деҳаи Пиш ба сӯи деҳаи Даштак идораи нақлиётро аз даст дода, ба чуқурии 30 метр сарозер шуда, ба дарёи Панҷ ғарқ шудааст.
Дар ин бора Кумитаи ҳолатҳои фавқулодда хабар дод.
Ҳодиса 30 ноябр, баъди нисфирӯзӣ дар километри 20-уми шоҳроҳи Хоруғ-Шуғнон-Ишкошим рух додааст. Ҳангоми садама дар мошин танҳо ронанда буд.
Мутаассифона, дар садама ронанда аз дохили мошин берун, ба дарё ғарқ шудааст, менависад манбаъ. Ҳоло ҷустуҷӯи ҷасади ронанда идома дорад.
Кормандони КҲФ мошинро аз об берун кашидаанд.
Сабабҳои ин ҳодисаро мақомоти ҳифзи ҳуқуқ таҳқиқ мекунанд.
КҲФ хотиррасон мекунад, ки ронандагон ҳангоми ҳаракат дар роҳҳои пурхатари кӯҳӣ ҳарчи бештар ҳушёр бошанд.
Суръати ҳаракатро боло набаранд, фосилаи байни мошинҳоро ҷиддан риоя намоянд.
